Stå støtt når livet skjer

- ein inspirasjonskveld om sparing og smarte val

Sparebank1 Sogn og Fjordane inviterer til inspirasjonsforedrag med Øystein Pølsa Pettersen og Forbrukarøkonomen Torbjørn Olset. Inspirasjonskvelden handlar om korleis byggje framtida steg for steg, og korleis vi kan stå støtt økonomisk når livet skjer.​ Med ulike erfaringar, men same bodskap, viser Torbjørn og Øystein korleis kvardagsval og livsval blir fletta saman til ei heilskapleg oppleving.​ 

Arrangementet passar for både unge og vaksne i ulike livsfasar, enten du drøymer om eigen bustad eller ønskjer å vere ein god støttespelar for noko som er på veg inn i vaksenlivet. Her vil du få konkrete råd, nyttige tips og inspirasjon til vegen vidare.

Preform inviterer til arbeidsvisning med kompaniet The Krumple!

LJOS PÅ er eit teaterprosjekt i utvikling som vil sette lys på eit menneske si reise for å rekonstruere eit øydelagd sjølvbilete. I fugleperspektiv følger vi eit offer etter eit barndomstraume og deira lengt etter å lausrive seg frå sjølve offerfortellinga. Gjennom ulike skift i perspektiv, både geografiske og tidsmessige, handlar teksten om resiliens i møte med skam og krenking.

Av og med: Oda Kirkebø Nyfløtt
Regi: Vincent Vernerie
Lysdesign: Yasin Gyltepe
Produsent: Victor de Turckheim

TID: ca 30-45 minutter, etterfulgt av kunstnarsamtale for dei som har tid og interesse.

FRI INNGANG - Bruk vår sceneinngong på baksida av bygget.

Journalist og forfattar Bjarte Ytre-Arne vil presentere bokprosjektet “Gamle gode folk”. Prosjektet er eit positivt opprør mot måten vi snakkar om gamle menneske på.

I presentasjonen vil han utfordre uttrykket “Eldrebølgja”, gi gamle menneske synlegheit og respekt og inspirere andre til å sjå moglegheiter ved å bli eldre.

GRATIS INNGANG

STAD: Samvirket scene
TID: Torsdag 1. okt kl. 12–13.

AVLYST!

Arbeidsvisning Carpet of Time

Pub kl. 18.00
Visning kl. 19.00

“Carpet of Time” er ei danseforestilling som uttrykker motstand mot undertrykkande system gjennom abstrakte rørsler og lyd, med utgangspunkt i den geometriske

ornamentikken og mønstersongen til iranske teppevevarar.

Sjå meir av verket her: : https://vimeo.com/1075054561?fl=pl&fe=sh

Masoumeh Jalalieh er koreograf, utøvar og billedkunstner frå Iran, som no bor og arbeider i Wien. Daniel Zimmermann er sveitsisk regissør, koreograf, billedkunstnar og utøvar. Dei har siste månaden hatt arbeidsopphald hos PreForm og arbeidd på Samvirket scene.

Skjerm Barna – Foredrag med Maja Lunde FAU ved Dingemoen Skule og Fjaler U40 er glade for å presentere forfattar Maja Lunde for alle som er interessert i å lære meir om born og den digitale verda. Maja Lunde skal halde innlegg på Samvirket om boka, «Skjerm Barna». Det er avgrensa med plassar, så vær rask med påmelding om du ynskjer å delta. Det koster 200 kr/billett. Forfattar og samfunnsdebattant Maja Lunde står bak boka Skjerm barna (2024) – ein av dei siste åra sine mest omtalte bøker om barn, skjermbruk og digital oppvekst. Med innsikt og engasjement tek Lunde oss med inn i ein av vår tids viktigaste debattar; kvifor har vi overlatt borna til appar og algoritmar vi sjølv knapt handterer? Korleis kan vi hjelpe borna våre til å ta leiken og (det analoge) livet tilbake? Ho gjer oss både innsikt, håp og konkrete råd for framtida. Arrangementet er samarbeid mellom FAU ved Dingemoen Skule, Fjaler U40 og støtta av Sparebankstiftinga Fjaler. Det vert mogeleg å kjøpe enkel mat og noko å drikke. Velkommen!

Stad: Møteplassen Samvirket Klokka: 18:00 - dørene opnar 17:45

Konsert: BRASS JAM

Velkomen til ein stemningsfull kveld på Samvirket der den tradisjonsrike skotske Burns night vert miksa med norsk folkemusikkpub og konsert med Dei to Karnaljane!

Resultatet vert Ceilidh på Samvirket!

Kom gjerne innom for ein øl, høyre levande musikk, dikt av Robert Burns og Jakob Sande og danse skotsk dans!

Obs: Risk for kilt!

Program:

19:30 - Baren opnar.

20:00 - Konsert med «Dei to Karnaljane»: Lunden og Nymarken byr på viser, gitar og trekkspel, med tekster frå blant anna Jakob Sande. Musikken er folkeleg, salt og ujålete, med tonar som luktar av både irske pubar og vestnorske fjordbygder.

21:30 - Skotsk dans: Lær og bli med på tradisjonelle skotske dansar.

22.00- Allsong, poesi og opa scene: Syng med på både norske og skotske songar, lytt til lokale folkemusikarar eller høyr på opplesing av dikt av Robert Burns og Jakob Sande.

Pub og sosialt: Baren held ope til midnatt (ca. 24:00).

Praktisk informasjon:
Billett kjøpast ved inngongen (kr 100,-, Vipps-betaling muleg).
Ønsker du å bidra på opa scene, meld deg til Rhona Thingnes (91351944) eller Jan Haugen (91861634).

Arrangør: Folkemusikklaget Havbrusen i samarbeid med Jakob Sande – senter for forteljekunst, Fjaler frivilligsentral og den skotske kontigenten i Fjaler.

Odd Karsten Tveit er ute med si nyaste bok; I MOSSADS BLODSPOR. Det nystarta Fjaler Folkeakademi har invitert han til Samvirket med sitt foredrag med utgangspunkt i boka, om den Israelske etterretningsorganisasjonen.

Dørene opnar kl 19.00. Det vert kafé og foredraget byrjar kl 19.30. Etterpå vert det boksignering og kanskje visekafé og.

Tveit har dekka Midtøsten-kon­flikten i heile si journalistkarriere. Han har vore NRK-korrespondent der i flere periodar og har skreve ei lang rekke prisbelønte bøker om regi­onen. Med sin store kunnskap og rike kildetilfang er han ein internasjonal kapasitet på Midtausten si moderne historie og konfliktens politiske betyd­ning og ringverknader.

Bli med på en pubkveld med allsong på Samvirket møteplass!