Medicin Mother
Arbeidsopphald 07.04.2026 – 17.04.2026
Elin Høydal og Varste Mathæussen møttest første gong på Teaterfestivalen i Fjaler i 2025, og har sidan utvikla eit kunstnarleg samarbeid med utgangspunkt i relasjonar, rørsle og scenisk nærvær.
Elin er skodespelar og har studerte integrert yoga og energihealing. Dette har prega hennar kunstnarlege arbeid, med fokus på kropp–sinn-samanheng og mennesket som ein energetisk og levande organisme.
Varste er skodespelar med røter i grønlandsk kultur og kunst, og arbeider med grønlandsk maskedans i si sceniske praksis, i tillegg til å vere kunstnar og scenekunstprodusent
Under arbeidsopphaldet i Fjaler var dei også ute i lokalsamfunnet og besøkte den lokale barnehagen, der dei delte maskedans og enkle yogaøvingar med barna. Opphaldet vart avslutta med ei arbeidsvisning, der publikum fekk eit innblikk i materiale dei har arbeidd med undervegs.
Saman utforskar dei korleis ulike erfaringar, tradisjonar og sceniske praksisar kan møtast i eit felles teater- og rørslespråk, med utgangspunkt i kropp, mytologi og relasjonelle møte.
Elin Høydal. Foto: Pernille R. Hellevik
Varste Mathæussen (t.h.) her saman med lokale Eline Sunddal. Foto: Pernille R. Hellevik